HEJ ’T AL HEURD ....April 2025
… dat jullie ofgelopen meert een uniek nummer van Oes Dörp in de bus kriegen zulden? In het hiele boekie kwam namelijk gien woord reclame veur. Wij vunden daw dat naor oeze leesders en trouwe adverteerders niet kunden maken, dus hew de drukker verzöcht de reclames asnog toe te voegen.
De olde exemplaren bint as collectorsitem - nei Drents - beparkt te verkriegen bij understaond redactielid.
Theo Zondag
HEJ ‘T AL HEURD … …. dat het praotie giet dat penningmeester Harald Fluks grèensoverschriedend an de gang was? Hij gluurde bij de buren, in Klijndiek, net as e in veurgaonde jaoren ok al ies dee. Hoe e daortoe kwam? Klein begunnen, dacht Harald en meldde zich daorum in het verleden een paar keer an as stembureau metwarker in Klijndiek. Dit jaor promoveerde hij daor tot veurzitter. Wij kunt groots weden op Harald.
De stemmen op ‘zien’ bureau bleken te kloppen as een bus!
April 2023
Het lek er op dat Vincent van Gogh ok bij oes in de buurt west is tiedens zien tocht deur Drenthe. Op de weg van Odoorn naor Valthe is maor ien oordoppie van een iPod vunden, je weet wel van zu’n muziek-en mediaspeuler diej bij je dragen kunt.
November 2022
De boom bij de Paosbargen het niet wönnen hef?
Hij mus genoegen nimmen met de viefde plek en zien meerdere erkennen in een boom in Amelisweerd bij Utrecht,
maor die had misschien ok wal wat steun neudig!
Theo Zondag
Oktober 2022
Aj de dörpskrant leest, hej gien internet of zo neudig um wat gewaar te worden. Junior 2, oet de column Meijering Mekkert, kun in Zwolle gien visboer vinden, schreef zien moeder in heur leste stukkie. Bij de redactie kwam de volgende reactie van Christoffer Scholte binnen: De visboer in Zwolle staat op het Lubeckplein. Vlak bij Brains en het stadskantoor. In elk geval op woensdag zover ik weet. De ene dag in de week dat ik daar voorlopig verblijf.
Dat is nog ies info waoj wat met kunt. Toch?
Juni 2022
Dat de tv-oetzending ‘Dwars door de Lage landen’ een groot succes was? Wij bint groots op oes redactielid
Bert van der Lit, want lichtkaans hef hij de anzet geven tot dizze wandeltocht. Hij stuurde Arnout Hauben een mailtie met een tip over het Pieterpad toen de Belgische tillevisiemaker met zien geluudsman en cameraman de documentaire ‘Rond de Noordzee’ maakte.
April 2022
AED’S U heeft, naar ik hoop, de oproep van Harm Weerman gelezen, waarbij gevraagd wordt om u aan te melden voor een reanimeercursus. Jongere dames worden dan reanimeermeisje (oeps!!!)
In aansluiting daarop wil ik ook aandacht vragen voor een aantal foto ’s dat ons is toegestuurd door onze dorpsgenoot Dick Nissing. Dat gaf mij aanleiding om de volgende Heij ’t al heurd? te schrijven.
HEIJ ‘ AL HEURD DAT ? …..
In Oring de RABO-bank weer reanimeerd is?
Naor de bordties op verscheiden plekken in ‘t Dörp te oordielen kuj der weer hen,
maor dan moej wal meleur met de rikketik hebben.
Theo Zondag
December 2021
HEJ ‘T AL HEURD… dat ‘Oes Dörp’ mangs dienst döt as almanak veur allerlei preblemen?
Naodat een vrouw oet de Paasbargen in oes dörpskrantie op zuuk gung naor een
tillefoonnummer um te melden dat heur deurbel het niet meer dee, kwam ze bij mij oet.
Heur prebleem was vlot oplöst. Via de beheerder van de Paasbargen.
Theo-112 Zondag
December 2020
.JPG)
Of beter zegd ‘Hej ‘t al zien?’ Op Nijkampenweg en Goorns is de maximum snelheid nou 30 km! De borden staot der al een poosie, maor praktisch gienien lek het in de gaten te hebben. Wél wet helpt het aj ‘t ziet?
November 2020
Ok ik heb een gekke ofwieking. Een ofwieking die mij tegenwoordig vast in het ‘autistisch spectrum’ plaotsen zul.
Ik wor namelijk gek van foto’s en schilderijen die oet het lood hangt! Die moet en zal ik altied en overal recht hangen, niet allent thoes. Toen ik dat bij de Nachtwacht prebeerde, gungen der allemaol toeters en bellen of en weur ik bij de vodden grepen deur een stuk of wat suppoosten.
Gek niet??
Theo Zondag
Juni 2020
Hej ‘t al heurd dat…
Oeze kerk vrogger lichtkaans een aandere, achtziedige toren had hef?
Tweei toeristen hebt de fundamenten körsleden antröffen op het plein.
Archeologisch underzuuk möt nog oetwiezen of heur spekelatie klopt.
------
Onze kerk heeft vroeger waarschijnlijk een andere, achtkantige toren gehad.
Een tweetal toeristen heeft onlangs de fundamenten daarvan op het plein aangetroffen.
Nader archeologisch onderzoek zal moeten uitwijzen in hoeverre deze veronderstelling juist is.
Maart 2020
HEJ 'T AL HEURD
In het Paasbergenbossie oefend is op de bomenkap, ingeval het SIVO-bossie
wieken möt veur een nei sportpark?
Die oefening is geweldig goed lukt, dus dat komt an de Dennenweg vast ok dik veur mekaar.
