DRENTS WOORD VAN HET JAAR 2022
Drenten bint positief: ‘feduzie’ mooiste Drentse woord van 2022. Het mooiste Drentse woord van 2022 is bekend. Streektaolorganisatie Huus van de Taol hef ok dit jaor een zuuktocht naor het mooiste woord oet de Drentse taol organiseerd.
En dat was veur veul liefhebbers van het Drents reden um een stem oet te brengen. Dit jaor waren het tien woorden oet het project ‘Heksen en Blauwvarven’ waor ze oet kiezen kunden. Het gung um woorden as grommen, kribben en dauweln.
(Grommen is zachies sneien, kribben betiekent ruzie maken en dauweln is treuzeln.)
Nao een spannende verkiezingsweek, waorin zu’n 850 stemmen oetbracht bint, bleek het woord feduzie (betiekent vertrouwen) favoriet. Van alle stemmers wordt er drei oetloot, die kriegt een schier priezenpakket van het Huus van de Taol.
geplaatst op: 27/01/2023
