HEJ ’T AL HEURD … er een podcast komp over Oring?
Het kun niet oetblieven; een podcast over Oring met de naam: Podje Oring! Een podcast kuj vergelieken met het opnimmen van een keukentaofel gesprek tussen een antal lu. Het underwarp wordt veurof bepaald en in het geval van Podje Oring giet het altied over zaken oet Oring en directe umgeving. Leonie Otter-Eising en Wim Oldewening, beiden woonachtig in Oring bint de initiatiefnimmers. Zie nuumt het zölf een digitale dörpskraant met elke maond een aander underwarp en aandere gasten. Het kan gaon over van alles en nog wat, mar de eerste vier opnames gaot over het Zudenveld.
Wim Oldewening vertelt: ‘Het grote dörpsfeest in juli kent veule veurbereidings en verscheiden dörpelingen bint genegen heur miening te geven over tal van underwarpen betreffende dit evenement. Dat is geweldig veur een podcast. ’‘Nao het Zudenveld gaow dan wieder mit aandere leuke (dörps)zaken,’ aldus Leonie Otter. ‘De eerstvolgende gasten haal wij van het Oringerweekend wat in september weer veur de deur stiet.’
De eerste twei ofeverings over het Zudenveld bint al opneumen en staot online op Spotify. De link naor een oetzending wordt o.a. dield via eigen Facebookpagina en Instagramaccount. Wanneer een lezer van Oes Dörp een leuke gast, een prachtig evenement of underwarp veur de podcast wet, kan er een mail stuurd worden naor podjeoring@outlook.com. Laow met mekaar veur enthousiaste en hiel gezellige opnames gaon.
Tot heurens, tot Podje Oring!
geplaatst op: 27/06/2026
